11:32 NUUTSTE INLIGTING: Vanoggend se raadsvergadering is verdaag, en sal 14:00 voortgaan.
OUDTSHOORN NUUS - Mosies van wantroue teen die burgemeester en onderburgemeester is op die agenda van vandag se raadsvergadering wat om 10:00 moet begin.
Daar is aanduidings dat ICOSA, die party waaraan die onderburgemeester Vlancio Donson behoort, die mosies gaan teenstaan.
Tydens verlede Donderdag se vergadering toe die speaker, John Stoffels bedank het, was die ANC nie teenwoordig by die vergadering nie en daar is op hierdie stadium nie ‘n aanduiding of hulle die mosies gaan teenstaan nie.
Die burgemeester, Gordon April, is ‘n lid van die ANC.
Die dorp se begroting is ook op die agenda.
Die vergadering gaan vanoggend voort ten spyte van beurtkrag wat vanaf 08:30 tot 10:30 toegepas word.
Die vergadering lok landwye belangstelling uit met media wat onder andere die SABC en Carte Blanche insluit.
'Ons bring jou die nuutste Oudtshoorn, Klein-Karoo nuus'
