KLEIN-KAROO NUUS - Om matriek te slaag is wonderlik, maar om as jou skool se topkandidaat en dux-leerder bekend te staan, is ’n ongelooflike prestasie.
Die Oudtshoorn Courant het met verskeie skole se topkandidate onderhoude gevoer.
'n Paar het hulle planne vir die toekoms met ons gedeel.
Sohail Arnoldus was Dysselsdorp Sekondêr se topleerder met 'n gemiddeld van 80.6% met 3 A's Die jongman gaan B.Com met finansiële rekeningkunde as hoofvak aan die Universiteit van Stellenbosch studeer.
Beaufort-Wes Sekondêr se Tyron de Klerk het 70% gemiddeld met 1 A (siviele ingenieurswese) en 3 B's. Hy wil graag siviele ingenieurswese by NMMU of CPUT gaan studeer, maar het tot dusver nog nie gehoor dat hy toegelaat is nie. Die jongman, gaan steeds probeer inkom en bly glo dit sal gebeur.
Bridgton Senior Sekondêr se topleerder, Denovan Coetzee, kon nie vir 'n onderhoud bereik word nie, maar Kaylin Brui-ners-Tiemie, wat die skool se tweede beste presteerder was het wel met ons gesels: Haar gemiddeld was 77% met 3 A's (Rekeningkunde – 82%) en 4 B's. Sy gaan B.Com met rekeningkunde as hoofvak, aan die Universiteit van Stellenbosch studeer en sien baie uit na hierdie uitdaging. Sy sal in Huis Erica tuisgaan.
Sentraal Hoërskool se toppresteerder is Juan Goosen met 'n gemiddeld van 92% gemiddeld met 7 A's. Hy het vir Afrikaans HT en vir CAT albei 97% behaal. Sy pad loop na die Potchefstroomkampus van die Noordwes Universiteit waar hy BSc Aktuariële Wetenskappe gaan studeer. Aansoeke om 'n studiebeurs te verwerf, het nog nie vrugte afgewerp nie, maar hy hoop steeds om 'n studiebeurs te kry, aangesien die studies geweldig duur is.
Langenhoven Gimnasium se Danika du Toit het 'n gemiddeld van 91.6% met 7 A's (Lewensoriëntering – 95%, Lewenswetenskappe en IGO 94%) Oor 'n paar dae is sy op pad Stellenbosch toe, waar sy BSc lewenswetenskappe met onder andere biologie en sielkunde gaan studeer. Waarheen die pad verder gaan lei, is sy nie seker nie, maar sy sien uit na die lewe as student.
By Uniondale Hoërskool het Anaïs Classen 71% met 3 A's (Wiskundige Geletterdheid – 87%) en 2 B's behaal. Sy is reeds in Nederland waar sy Au Pair. Sy wil ten minste vir die volgende vyf jaar soveel as moontlik reis en die wêreld sien, maar gaan beslis tussen deur nog tyd maak om te studeer ook.
Beaufort-Wes Sekondêr se Tyron de Klerk het 70% gemiddeld met 1 A (siviele ingenieurswese) en 3 B's. Hy wil graag siviele ingenieurswese by NMMU of CPUT gaan studeer, maar het tot dusver nog nie gehoor dat hy toegelaat is nie. Die jongman, gaan steeds probeer inkom en bly glo dit sal gebeur.
Janeske Tarentaal is Aurial College se toppresteerder met 70% met 1A (Geskiedenis) en 4 B's. Hierdie jong meisie is absoluut oorstelp oor haar punte en sy vertrek eersdaags na die Universiteit van die Vrystaat (Bloemfontein) waar sy LLB gaan studeer.
Christoffel Jumaar van Ladismith Hoërskool het 72% gemiddeld met 2 A's (Lewensoriënte-ring – 87%) en 2 B's behaal.
Hy vat eersdaags die pad na die Noordwes Universiteit se Potchefstroom-kampus waar hy 'n B.Sc-graad gaan volg.
Hy vat eersdaags die pad na die Noordwes Universiteit se Potchefstroom-kampus waar hy 'n B.Sc-graad gaan volg.
Sy droom is egter om 'n apteker te word en hy hoop dat hy teen die einde van sy eerste jaar vir aptekerswese aanvaar sal word.
Vroeër in die week was hy glad nie opgewonde oor die vooruitsig om te gaan studeer nie, maar dit was slegs die senuwees wat so effens gepla het. Na die uitslae bekend gemaak is, was die man vuur en vlam om 'n Puk-student te word.
ARTIKEL: CARINA FOURIE
'Ons bring jou die nuutste Oudtshoorn, Klein-Karoo nuus'
